Monday, May 4, 2015

ಪಾಸ್ವರ್ಡ್ ಪ್ರವರ:


ಪಾಸ್ವರ್ಡ್ ಪ್ರವರ: 

- ಶ್ರೇಯಾಂಕ ಎಸ್ ರಾನಡೆ.

ಆದಿಲ್‍ಗೆ ತನ್ನ ಬಗ್ಗೆ ತುಸು ಹೆಚ್ಚೇ ಹೆಮ್ಮೆ, ತಾನು ಮಾಡಬೇಕೆಂದುಕೊಂಡಿದ್ದನ್ನೂ, ಇತರರು ಮಾಡಿರುವ 'ಅ'ಸಾಧಾರಣ ಕಾರ್ಯಗಳನ್ನು ತನ್ನದೇ ಎಂದು ಬಡಾಯಿ ಕೊಚ್ಚಿಕೊಳ್ಳುವುದೆಂದರೆ  ಸಾಕು ಕಾಲು ನೆಲದ ಮೇಲೆ ನಿಲ್ಲುತ್ತಿರಲಿಲ್ಲ. ಅವನ ಬಗ್ಗೆ ಹೇಳಿಕೊಳ್ಳಲೆಂದೇ ಬಾಯಿಪಾಟ ಮಾಡಿಕೊಂಡಿರುವ ಒಂದು ಪುಟದ ವೈಯ್ಯಕ್ತಿಕ ವಿವರವನ್ನು ಯಾವುದೇ ತಪ್ಪಿಲ್ಲದಂತೆ  ಒಪ್ಪಿಸುತ್ತಿದ್ದ.. ಅನಾಮಿಕರು ಯಾರಾದರೂ ಅವನ ಹೆಸರನ್ನು ಕೇಳಿದರೆ ಸಾಕು ತನ್ನ ಬದುಕನ್ನೇ ಸಂಪೂರ್ಣವಾಗಿ ತೆರೆದಿಡುತ್ತಿದ್ದ.  ಆದ್ದರಿಂದಲೇ ಎಲ್ಲರಿಗೂ ಬಡಾಯಿ ರಾಜ ಎಂದೇ ಚಿರಪರಿಚಿತ.

ಅದೊಮ್ಮೆ ಮೊದಲ ಬಾರಿಗೆ ಪರಿಚಯಗೊಂಡಿದ್ದ ಗೆಳೆಯರ ಬಳಗದ ಕಾರ್ಯಕ್ರಮವೊಂದಕ್ಕೆ ಹೋಗಿದ್ದಾಗ ಕಾರ್ಯಕ್ರಮದ ಕೊನೆಯಲ್ಲಿ ಎಲ್ಲರೂ ತಮ್ಮ ತಮ್ಮ ಸಂಪರ್ಕ ವಿಳಾಸವನ್ನು ಬರೆದುಕೊಡುತ್ತಿದ್ದರು. ಈ ಮಹಾಶಯನಿಗೆ ಸಿಕ್ಕಿದ್ದೇ ಅವಕಾವೆಂಬಂತೆ ಎಲ್ಲರ ಪುಸ್ತಕದಲ್ಲೂ ಆಟೋಗ್ರಾಫ್ ನೀಡುವ ರೀತಿಯಲ್ಲಿ ಅರ್ಧರ್ಧ ಪುಟ ಬರೆದದ್ದೇ ಬರೆದದ್ದು  .

ಎಷ್ಟೆಂದರೂ ಅಭ್ಯಾಸ ಬಲ: ಎಲ್ಲರಿಗೂ ಮಿಚಂಚೆ ವಿಳಾಸದ ಜೊತೆಗೆ ಪಾಸ್ ವರ್ಡ್ ಅನ್ನು ಕೂಡ ಬೊನಸ್ ಎಂಬಂತೆ ಬರೆದು ಕೊಡುವುದೇ..!? ಆಟೋಗ್ರಾಫ್ ಕೊಡುವವನಂತೆ ಫೋಸ್ ಕೊಟ್ಟು ಪಾಸ್‍ವರ್ಡ ಕೊಟ್ಟುಬಂದಿದ್ದ.  ವಿಳಾಸವನ್ನು ಪಡೆದ ಒಂದಿಬ್ಬರು ಆತನ ಮಿಂಚಂಚೆ ಖಾತೆಯನ್ನು ಅ(ನ)ಧಿಕೃತವಾಗಿ ತೆರೆದು ಆದಿಲ್‍ಗೆ  ಪಾಸ್ ವರ್ಡ್ ಬದಲಾಯಿಸುವಂತೆ ಕೇಳಿಕೊಂಡ ಮೇಲಷ್ಟೇ ಈತನಿಗೆ ಗೊತ್ತಾಗಿದ್ದು, ಪಾಸ್ ವರ್ಡ್ ವೈಯ್ಯಕ್ತಿಕ ವಿವರದ ಭಾಗವಲ್ಲ. ಅದಿರುವುದು ಪರ್ಸನಲ್ ಯೂಸ್ ಗೆಂದು.!! :-)

---

No comments:

Post a Comment